إزاي تعمل Content Calendar خطوة بخطوة؟
النهاردة هنتكلم عن الـ Content Calendar… مستعدين؟
لو بتسوق لنفسك أو لبراند، فمفيش أهم من إنك تمشي بخطة نشر واضحة.
ليه؟ عشان تفضل ثابت في النشر، وتعرف إيه اللي هتنزله وإمتى، وتبقى رؤيتك للمحتوى مرتبة مش عشوائية!
تعالوا نمشيها خطوة خطوة:
أولًا: حدد الهدف من الكالندر
قبل ما تبدأ تكتب أي أفكار، جاوب على 4 أسئلة:
1️⃣ بتسوق لمين؟ (مين الجمهور المستهدف)
2️⃣ إيه المواضيع اللي تهمه؟ (pillars أو المحاور الأساسية)
3️⃣ إيه الهدف من النشر؟ (زيادة الوعي – جذب عملاء – بيع – ولاء)
4️⃣ النشر هيكون على أي منصات؟ (فيسبوك – إنستجرام – تيك توك…)
ثانيًا: حدد الـ Content Pillars
دي المواضيع الرئيسية اللي هتكررها طول الشهر، مثال لمركز بصريات:
- تثقيف عن صحة العين
- عروض وخصومات
- تفاعل ومسابقات
ثالثًا: حدد عدد البوستات وأيام النشر
- هتنشر كام مرة في الأسبوع؟
- إيه الأيام اللي جمهورك بيكون نشيط فيها؟
مثال: لو هتنشر 3 أيام في الأسبوع (السبت – الإثنين – الخميس)
ودا بناءً على تفاعل جمهورك مش بالحب
- السبت: معلومة تعليمية
- الإثنين: عرض أو منتج
- الخميس: بوست تفاعلي
رابعًا: حضّر الأفكار والمحتوى مقدمًا
صور + فيديوهات + نصوص
لو فيه مناسبات أو أيام عالمية مهمة لشغلك، حطها في الكالندر
مثال (لعيادة تغذية):
14 نوفمبر – اليوم العالمي للسكري → بوست توعية + عرض كشف مجاني
خامسًا: استخدم أدوات تنظيم
- Google Sheets أو Excel
- Notion أو Trello
- Canva لعمل التصاميم
- Meta Business Suite لجدولة النشر
سادسًا: راقب وعدّل
بعد ما تنشر:
- شوف أي البوستات جابت تفاعل أعلى
- عدّل الخطة للشهر الجاي حسب النتائج
الـ Content Calendar مش رفاهية، دي خريطة الطريق اللي هتخليك منظم وتبني براند قوي خطوة بخطوة.
لو عاوز نموذج لكالندر، اتفضل
الرد على التعليق