ازاي تعمل بيرسونال براندنج لنفسك؟

ازاي بعمل بيرسونال براندنج لنفسي؟ 

 ( بالمناسبة في Excel Sheet للمبتدئين، هيخليك تمشي بخطة واضحة)

وقبل ما ندخل في التفاصيل، سيبك من فكرة الـ “Show Off” اللي على طريقة "أنا عندي مليون متابع" أو "طلعت على 10 بودكاست" أو "إسمي بيجي في أول جوجل"،

 لأن البراند الحقيقي مش أرقام بس، البراند هو انطباع ثابت وحقيقي عنك في دماغ الناس.

الإنجاز اللي يستحق تحتفل بيه هو إن الناس تبص لإسمك وتحس بثقة، وتربطك بمجال أو قيمة أو أسلوب انت حابب يبان عنك.

أنا في الأول عملت الموضوع كده بالظبط:

1️⃣ فتحت Excel Sheet وعملت شيت اسمه Personal Branding.

كتبت فيها أهم 3 حاجات عايز أشتغل عليها:

• هويتي البصرية (صور، ألوان، ستايل).
• المحتوى اللي بيعبر عني.
• القيمة أو الرسالة اللي عايز أوصلها.

2️⃣ عملت سيرش على جوجل ودورت في أكتر من كورس وكتب عن البيرسونال براندنج. 

3️⃣ حدّدت مين الجمهور اللي عايز أوصل له، ومشيت على مبدأ، مش كل الناس جمهوري.

4️⃣ عملت خطة محتوى بسيطة: 3 أنواع بس (تعليمي – شخصي – ملهم).

وبدأت أشارك حاجات حقيقية من شغلي وتجربتي بدل الكلام المنمق.

5️⃣ خصصت وقت أسبوعي للمراجعة: هل اللي بنزله بيعكس صورتي اللي عايزها ولا لأ؟

6️⃣ بدأت أظهر Offline زي ما بعمل Online:  حضرت فعاليات، شاركت في Talks، واتعرفت على ناس في مجالي.

7️⃣ وأهم خطوة، كنت ثابت ومستمر حتى لو الأرقام مش بتحرق الدنيا من أول شهرين.

في الآخر، الـ Personal Brand هو انعكاس حقيقي ليك، فخليك على طبيعتك، وخطط، واشتغل، وكرر الرسالة اللي عايز الناس تعرفك بيها لحد ما تبقى جزء منك.

 قريب هشارك خطوات عملية أكتر عن إزاي تخلي الناس هي اللي تدور عليك مش العكس! ❤️

لينك الشيت للمبتدئين بس

https://docs.google.com/spreadsheets/d/1W6CoF1sN1NSEdoRiB9QcrUIM7UV_cbPt/edit?usp=drivesdk&ouid=112547101462981812686&rtpof=true&sd=true