ازاي تعمل Creative Analysis خطوة بخطوة ؟

إزاي بعمل Creative Analysis خطوة بخطوة بسهولة؟

النهاردة هنتكلم عن الـ Creative Analysis، مستعدين؟ 😎

لو بتسوق لنفسك أو لبراند، مفيش أهم من إنك تعرف إعلاناتك أو محتواك شغّال إزاي!

ليه؟

عشان تعرف إيه اللي بيشد الناس ويخلّيهم يتفاعلوا، وإيه اللي بيعدي من غير ما حد يحس بيه 

تعالوا نبدأ:

أولًا: أعرف الهدف من التحليل 🎯

قبل ما تعمل Creative Analysis لازم تسأل نفسك:

1️⃣ أنا عايز إيه من الإعلان ده؟ (Awareness – Leads – Sales).

2️⃣ هل الهدف ده واضح جوه الكريتيف نفسه؟

3️⃣ إيه المؤشرات اللي هقيّس بيها النجاح؟ (CTR – Reach – Engagement).

ثانيًا: ركّز على عناصر الكريتيف 

 1- الصورة / الفيديو

• هل الألوان جاذبة؟
• هل في عنصر بيشد الانتباه من أول ثانية؟
• هل الجودة عالية وواضحة على كل الأجهزة؟

 2- النص (Copywriting)

• العنوان ملفت ومباشر؟
• الرسالة واضحة ومفهومة؟
• في Call to Action بيقول للناس يعملوا إيه بعد كده؟

 3- العناصر المساعدة

• في مؤثرات مناسبة؟
• في براندينج (لوجو – ألوان ثابتة)؟
• في تنسيق كويس بين النصوص والصور؟

ثالثًا: قارن مع المنافسين 

شوف إعلانات نفس المجال، إيه اللي بيعملوا بشكل مختلف؟

لاحظ الـ Tone & Style بتاعهم.

خد فكرة عن العروض أو الزوايا اللي مستخدمينها.

رابعًا: اعمل Test & Learn 

جرّب أكتر من نسخة (A/B Testing).

غير الصورة أو العنوان وشوف الفرق.

سجل النتائج وقرر مين الأفضل.

مثال (لمطعم):

لو عملت إعلان فيه صورة سندوتش واضح ومقرمش مع كلمة "جديد " وقارنته بإعلان فيه نص طويل من غير صورة جذابة.

التحليل هيقولك إن الصورة + الكلمة القصيرة كسبوا بسهولة.

خامسًا: خُطة تحسين مستمرة 

أي إعلان ناجح بيبدأ من تحليل إعلان قبله.

دوّن ملاحظاتك: إيه شد الناس؟ إيه تجاهلوه؟

كرر اللي نجح، وحسّن اللي ناقص.

الـ Creative Analysis هو مرآة شغلك، بيقولك إيه اللي بيكسب، وإيه اللي محتاج يتظبط.

من غيره، هتفضل تمشي عشوائي وتعيد نفس الأخطاء!

 لو عايز تتأكد إن محتواك أو إعلانك شغّال صح، اعمل Creative Analysis باستمرار.

لو استفادت ادعيلي ❤️