إزاي بعمل تقرير شهري للعميل؟

 إزاي بعمل تقرير شهري لعملائي؟

 كل عميل من حقه يعرف بيحصل إيه في شغله، ويمشي بخطة واضحة، عشان كده بنقدّم تقرير شهري مفصّل يوضح كل حاجة حصلت من أول بوست نزلناه لحد التفاعل على آخر إعلان.

بنبدأ منين؟

1️⃣ تجميع البيانات:

   – عدد البوستات اللي نزلت خلال الشهر

   – معدل النشر (إحنا ملتزمين بالخطة ولا لأ؟)

   – نسبة التفاعل (لايك – شير – كومنت – سيف – رسائل)

   – معدل نمو الصفحة (عدد الفولورز الجُدد)

   – استجابة الجمهور (إيه نوع المحتوى اللي شدهم؟)

2️⃣ أداء الإعلانات (لو فيه Ads):

   – عدد الحملات اللي اشتغلت

   – عدد الوصول – عدد النقرات – تكلفة النقرة

   – تكلفة الحصول على رسالة / عميل

   – نسبة التحويل

بعد كده بنحلل الأرقام دي ونسأل نفسنا:

– إيه أكتر نوع محتوى جاب نتائج؟

– إيه البوستات اللي الناس اتفاعلت معاها أكتر؟

– هل الإعلان حقق هدفه ولا محتاج تعديل؟

– إيه الأيام أو الأوقات اللي فيها التفاعل عالي؟

– مين الجمهور اللي بيهتم أكتر؟ (رجالة؟ ستات؟ سن كام؟ منين؟)

وبنقدم للعميل تقرير PDF أو Google Slides بشكل شيك وسهل فيه شرح مبسط لكل رقم عشان تكون فاهم إيه اللي بيحصل

وريكومندشن واضحة:

* نكمل على إيه؟

* نوقف إيه؟

* نجرّب إيه جديد الشهر الجاي؟

لو حابب ابعتلك شكل تقرير تعمل زيه، كلمني.

ومتنساش تعمل شير